Me përjashtim të “aludimeve” për largimin e Milan Skriniar nga Inter drejt PSG, merkato “zikaltër” nuk ishte aktive pothuajse në asnjë moment këtë fraksion transferimesh që lamë pas.
Mirëpo, tanimë duket se “gjigandët” e Milanos kanë shprehur haptazi synimet e tyre dhe objektivi i radhës është anësori maroken i mbrojtjes së Bayern Munich, Noussair Mazroui, i cili është kthyer në krye të listës së blerjeve “zikaltër”.
“Motorri” i krahut të djathtë tek Inter, Denzel Dumfries është në prag largimi, me “tulipanin”, që dëshiron kalimin në Premier League dhe në Angli, Manchester United e Chelsea janë gati për të transferuar hollandezin, shkruan ABC News.
Mesa duket paratë nga shitja e Dumfries do të përdoren për afrimin e Mazroui në “San Siro”, me “zikaltrit” që i ofrojnë marokenit minuta të sigurta në formacionin titullar si dhe kthimin sërish në një protagonist ashtu siç ishte tek hollandezët e Ajax, gjë për të cilën është duke “vuajtur” te Bayern, sidomos pas afrimit të “luzitani” Joao Cancelo.
