Nënkryetari i PSD-së, Zgjim Hyseni, ka folur në lidhje me protestën e VV-së, të mbajtur më 10 shkurt të vitit 2007.
Ai u shpreh se në këtë protestë janë vrarë 2 protestues paqësor të cilët, sipas tij janë vrarë nga policia, siç u shpreh ai, pa qenë kjo e fundit e provokuar fare.
“Nëse flasim për rrjedhen e protestës atë ditë, ka ty vetëm një shpjegim dhe koha e ka qartësuar një gjë të tillë, vet institucionet e UNMIK-ut më vonë e kanë pranuar, aty janë vrarë dy protestues paqësor të cilët janë vrarë nga policia, pa qenë kjo e fundit e provokuar fare, krejt këto më vonë janë zbuluar si trillime, pra pretendimi se ka pasur qëllim që të futet në institucione etj”, tha ai.
Hyseni u shpreh se policët rumunë s’kanë dhënë përgjegjësi për vrasjen e Mon Balajt dhe Arben Xheladinit, përcjell Klankosova.tv.
“Moni dhe Arbeni janë vravrë pa faj, kanë dalur të protestojnë paqësisht në qytetin e tyre dhe janë vravrë nga policët rumun të UNMIK-ut, UNMIK-u e ka pranuar fajin, ka pranuar madje edhe që t’i kompenzojë familjet Balaj dhe Xheladini më vonë, mirëpo policët rumunë s’kanë dhënë përgjegjësi kurrë për vrasjen, për shkak se në atë kohë institucionet e UNMIK-ut kanë pasur imunitet karshi ligjeve të Kosovës, ata kanë shkuar në Gjermani dhe nuk janë përgjigjur para askujt”, u shpreh ai.
