Anëtari i Partisë Demokratike të Kosovës, Përparim Gruda reagoi pas deklaratës së ministres së drejtësisë drejtuar prokurorit, përcjell InLajmi.
Gruda deklaroi se Haxhiu është ministre që premton reforma, shfaqet në sallën e gjykatës si e akuzuar dhe bënë presion mbi prokurorinë.
Më tej ai tha se Deklarata e Haxhiut është qartazi ndërhyrje drejtësi dhe presion mbi organin e akuzës
Postimi i plotë i tij:
Ministrja që premton reforma, shfaqet në sallën e gjykatës si e akuazuar dhe bënë presion mbi prokurorinë!
Ministrja e Drejtësisë, Albulena Haxhiu i paska bërë thirrje sot prokurorit të çështjes që të tërhiqet nga aktakuza kundër saj për hudhjen të gazit lotsjellës në Kuvend. Kjo thirrje mund të ndëgjohet vetëm në vende me regjime totalitare, e asesi në një vend me aspirata për integrim evropian.
Zonja Haxhiu nuk duhet të harroj se përveç e akuzuar në këtë rast, ajo është dhe Ministre e Drejtësisë. Një koment i tillë është qartazi ndehyrje drejtësi dhe presion mbi organin e akuzës.
Nga pikëpamja profesionale, këtë gjë është absurd ta bëjë edhe një person laik në drejtësi e lëre më një Ministre e Drejtësisë! /InLajmi/
