2 aktivistët e Lëvizjes Vetëvendosje, Arben Xheladini dhe Mon Balaj, derisa protestonin kundër negociatave të Kosovës me Serbinë dhe Pakos së Ahtisaarit, u vranë më 10 shkurt 2007 nga Policia rumune e UNMIK-ut, 16 vite më parë, shkruan InLajmi.
Ndërsa mijëra protestues kundërshtonin pakon e Ahtisarit, protesta eskaloi në momentin që u hiqen rrethojat e vendosura në mes të sheshit.
Ishte pikërisht policia e rumune e UNMIK-ut, ajo e cila reagoi në mënyrë të dhunshme me ç’rast përdoren edhe armë vdekjeprurëse.
Përveç që në këtë protest humbjen jetën 2 aktivistët, kishe edhe shumë të plagosur.
Veç tjerash vlenë të ceket se lotsjellësi që është përdorur nuk ishte perdorur atë ditë thuhet se nuk ishte përdorur kurrë më herët e as kurrë më sot e asaj dite, erërat e lotsjellësit nuk u hoqën për disa ditë nga sheshet e Prishtinës.
KMDLNJ ka kërkuar drejtësi për viktimat e 10 shkurtit, si dhe ka kërkuar që viktimat e Arben Xheladini dhe Mon Balaj të pranohen si viktima politike, të rehabilitohen dhe ta fitojnë statusin e merituar, ndërsa, familjet e tyre të fitojnë të drejtën që e gëzojnë familjet e viktimave civile të luftës.
KMDLNJ ka reaguar edhe për të plagosurit e kësaj proteste, duke thënë se duhet të kompensohen moralisht dhe materialisht, në përputhje me ligjin./InLajmi/
