Franca të enjten u zotua të japë 12 milionë euro për sirianët e prekur nga tërmeti shkatërrues që goditi Sirinë dhe Turqinë të hënën, sipas një deklarate të ministrisë së jashtme, transmeton InLajmi.
“Ndihma do të kanalizohet përmes Kombeve të Bashkuara dhe organizatave joqeveritare “që punojnë drejtpërdrejt me popullsinë e prekur në të gjitha zonat e goditura nga tërmeti”, thuhet në deklaratë.
Premtimi do të përfshijë 5 milionë euro për Kombet e Bashkuara dhe 5 milionë euro të tjera për organizatat joqeveritare franceze dhe ndërkombëtare “që punojnë në përgjigjet emergjente në sektorët e shëndetësisë, strehimit, ujit, higjienës dhe kanalizimeve”.
Ministria e Jashtme tha se 2 milionë euro të mbetura janë “duke konsideruar” për ndihmë ushqimore.
Një autokolonë ndihmash e Kombeve të Bashkuara kaloi nga Turqia në Sirinë veriperëndimore të enjten për herë të parë që nga goditja e tërmetit. Sipas Zyrës së Kombeve të Bashkuara për Koordinimin e Çështjeve Humanitare, kolona, e përbërë nga 6 kamionë që transportonin sende strehimi dhe artikuj joushqimor kaloi përmes pikës kufitare Bab Al Hawa. /InLajmi/
