Kuvendi i Kosovës ka miratuar caktimin e taksave të Fondit të Kursimeve Pensionale për vitin 2023, raporton InLajmi.
76 deputetë ishin pro këtij vendimi, derisa asnjë nuk ishte kundër dhe as nuk abstenoi.
Kryetari i komisionit për Buxhet, Punë dhe Transfere, Armend Muja tha se taksa operacionale është propozuar të jetë 0.05% ndërsa taksa investuese 0.32%.
“Në përputhje me Ligjin për Fondet Pensionale është bërë kërkesë që të caktohet taksa investuese dhe operacionale në bazë të kërkesës së Fondit Pensional për secilin vit kalendarik. Buxheti i miratuar nga Trusti për aktivitetet operacionale për vitin 2023 është 1 milion e 295 mijë euro. Taksa operacionale është propozuar të jetë 0.05. Buxheti për aktivitete investuese pritet të vije në vlerë prej 0.32 përqind të mjeteve”, ka thënë Muja. /InLajmi/
