Zëdhënësja e Aeroportit të Prishtinës “Adem Jashari”, Valentina Gara njoftoi se këtë të hënë kanë pranuar një kërcënim për bombë, përcjell InLajmi.
Rastin e kërcënimit për shpërthim në aeroport e konfirmoi për gazetën InLajmi edhe zëdhënësja e Policisë së Kosovës, Flora Ahmeti.
Ahmeti deklaroi se rreth orës 16:00 është pranuar informata për dyshimet që ndërlidhen me një shpërthim të mundshëm në Aeroportin Ndërkombëtar “Adem Jashari.
Më tej ajo tha se policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën./InLajmi/
