Kryeministri i Republikës së Kosovës, Albin Kurti ka marrë pjesë në lansimin e Platformës së Punësimit të Garantuar për të Rinjtë, raporton InLajmi.
Kurti tha se Qeveria e Kosovës në vazhdimësi ka hartuar politika, të cilar synojnë nxitjen e punësimit dhe qasjen më të lehtë në tregun e punës.
“Qeveria jonë në vazhdimësi ka hartuar e përkrahur politika të cilët synojnë nxitjen e punësimit dhe qasje më të lehtë në tregun e punës dhe këtë ta bëjmë për të gjithë, pa dallim. Kjo ka të bëjë edhe me drejtësi – sepse nevojitet drejtësi në qasje e trajtim në shoqëri, përveç se në salla gjyqi e në reformën e sistemit të drejtësisë”, tha Kurti.
Gjithashtu Kurti tregoi edhe me shifra se sa gra, personat me aftësi të kufizuara janë punësuar vetëm vitin e kaluar.
“Vitin e kaluar, kemi zbatuar skema të cilët kanë pasur synim punësimin e grupeve të ndryshme shoqërore: gratë, personat me aftësi të kufizuara, e me familjet të cilat nuk kanë asnjë anëtar të punësuar. Përmes masës 1.3 u punësuan afër 5000 gra e vajza. Përmes masës 1.6 u punësuan 239 persona me aftësi të kufizuara. Ndërkaq përmes skemës “Qeveria për Familjet”, 770 familje u bënë me një anëtar të punësuar”, tha ai.
Kryeministri theksoi se nëpërmjet Skemës së Punësimit të Garantuar për të Rinjtë do të subvenciohen 164 euro për 6 muajt e parë të punësimit.
“Nga sot, po fillojmë pilotimin e Skemës së Punësimit të Garantuar për të Rinjtë. Nëpërmjet saj, Qeveria do të subvencionojë 264 Euro pra në lartësinë e pagës minimale që ka kaluar në lexim të parë në Kuvendin e Republikës së Kosovës dhe atë për për 6 muajt e parë të punësimit”. /InLajmi/
