Ish-presidenti i Pakistanit, gjenerali Pervez Musharraf, ka vdekur në moshën 79-vjeçare në Dubai pas një sëmundjeje, sipas një deklarate nga ushtria pakistaneze, transmeton InLajmi.
Zyrtarë të lartë ushtarakë shprehën “ngushëllimet e tyre të përzemërta” për vdekjen e gjeneralit Pervez Musharraf.
“Allahu e bekoftë shpirtin e të ndjerit dhe i dhëntë forcë familjes së të ndjerit”, thuhet në deklaratë.
Homazhe dhe mesazhe ngushëllimi kanë ardhur nga politikanët pakistanezë.
Kryeministri i Pakistanit Shehbaz Sharif shprehu “ngushëllimet e tij për familjen” e ish-udhëheqësit në një deklaratë të dielën, shkruan CNN.
Ish-udhëheqësi, i cili kishte jetuar në Dubai në Emiratet e Bashkuara Arabe që nga viti 2016, mori pushtetin nga ish-kryeministri Nawaz Sharif në vitin 1999 dhe u emërua president në 2001 ndërsa mbeti kreu i ushtrisë. Ai vazhdoi të udhëheqë Pakistanin si president deri në vitin 2008. /InLajmi/
