Deputeti i Aleancës për Ardhmërinë e Kosovës Besnik Tahiri, ka kritikuar Qeverinë e Kosovës për mosmiratimin e vendimit për Trustin. Ai njoftoi se në bazë të pasqyrës individuale të Trustit është vërejtur se mbi 80% e investimeve të vitit 2022 kanë humbur, përcjell InLajmi.
Tahiri thotë se kjo qeveri i privoi qytetarët e Kosovës nga e drejta për t’i tërhequr kursimet e Trustit, duke shtuar se për shkak të paaftësisë së pjesëtarëve të Qeverisë së Kosovës kontributi i vitit 2022 rezultoi me humbje.
Tutje, ai thotë se Qeveria e Kosovës e ka helmuar popullin me pollavra e fjalë koti, derisa ekonomia siç thekson ai, është para bankroti e sektori publik para kolapsi.
Postimi i plotë i tij:
Qytetarë të nderuar,
Këtë javë pranuam pasqyrat individuale të Trustit Pensional dhe për habi pothuajse i gjithë kontributi i këtij viti, më saktë, mbi 80% e investimit për vitin 2022 ka humbur.
Nga një analizë e thjeshtë vërehet se rreth 6% e kontributit total ka humbur vetëm gjatë vitit që lamë pas.
Dhe tani kam një pyetje për Kryeministrin Kurti: A keni fije turpi kur vendosët që t’i privonit qytetarët e Kosovës që në këtë kohë krize të paparë t’i tërheqin një pjesë të kursimeve të tyre. Ku mbeti arsyetimi juaj kur thonit se po i mbrojmë investimet e qytetarëve, kur sot u vërtetua se gati i gjithë kontributi i vitit 2022 rezultoi me humbje dhe atë si rezultat i paaftësisë tuaj!?
E keni ‘helmu’ popullin me pollavra, me tema koti, përderisa ekonomia është para bankroti e sektori publik para kolapsi, ju bëni filma!
Boll Ma!! /InLajmi/
