Kur Juliette Lamour fitoi një xhekpot të lotos në herën e saj të parë që e luajti, adoleshentja iu drejtua menjëherë babait të saj, i cili edhe ashtu është një këshilltar financiar.
18-vjeçarja sapo mori 48 milionë dollarë kanadezë, duke u bërë kanadezja më e re ndonjëherë që ka fituar një çmim kaq të madh.
Por, derisa shumë moshatare të saj me pasuri të fituara papritmas mund të ‘fluturojnë’, Juliette synon të mbesë me këmbë në tokë.
Ajo prapë planifikon të përfundojë studimet dhe të bëhet mjeke.
“Po qaja lot të lumtur sigurisht|, tha ajo në Ontario Lottery teksa festonte fitoren e muajit të kaluar.
“Ende nuk mund ta besoj se kam arritur jackpotin e Topit të Artë në biletën time të parë të lotarisë”.
Juliette tha se kishte harruar gjithçka për lojën e luajtur derisa dëgjoi lajmin se dikush nga vendlindja e saj kishte fituar shortin e 7 janarit.
Kur ajo shkoi të kontrollonte biletën e saj përmes një aplikacioni në celular, një tingull u dëgjua dhe “Big Ëinner” u shfaq në ekran.
“Shoqja ime ra në gjunjë se s’i besohej”, tha Juliette.
“Ajo po bërtiste. Në fakt, të gjithë bërtisnin se unë fitova 48 milionë dollarë”, shkruan BBC.
Juliette tha se do të investojë “me kujdes” pjesën më të madhe të çmimit të parë me ndihmën e babait të saj, menaxher të parave, transmeton Gazeta Express.
Në fakt, babai i saj tashmë i ka dhënë asaj këshillën më të mirë financiare ishte ideja e tij për të blerë një biletë lotarie.
