Ministria e Shëndetësisë në Ditën Botërore të Kancerit, ka bërë të ditur se ka themeluar Grupin Punues i cili pikë qëllim ka zhvillimiin e Programit Shtetëror për Kontrollin e Kancerit në Kosovë, përcjell InLajmi.
Nga Ministria e Shëndetësisë thanë se tema e vitit 2023 do të jetë “mbyllni hendekun e kujdesit”, e kjo sipas tyre ka të bëjë me me të kuptuarit e pabarazive në kujdesin ndaj kancerit.
Tutje nga ministria u shprehen se Dita Botërore e Kancerit shënohet dhe synon që të inkurajojë njerëzit për parandalim, zbulim të hershëm dhe trajtim të kancerit.
Njoftimi i plotë i Ministrisë së Shëndetësisë:
Dita Botërore e Kancerit shënohet në mbarë botën më 4 shkurt.
Qëllimi është të informojë dhe inkurajojë njerëzit për parandalim, zbulim të hershëm dhe trajtim të kancerit.
Tema e këtij viti është “mbyllni hendekun e kujdesit”, që ka të bëjë me të kuptuarit e pabarazive në kujdesin ndaj kancerit dhe marrjen e veprimeve për t’i adresuar ato.
Për këtë qëllim, Ministria e Shëndetësisë ka themeluar Grupin punues, të përbërë nga profesionistë të fushave të ndryshme, me qëllim zhvillimin e Programit Shtetëror për Kontrollin e Kancerit në Kosovë.
Së bashku jemi më të fortë!/InLajmi/
