Ministria i Kulturës, Rinisë dhe Sportit, Hajrulla Çeku, ka uruar xhudisten, Distria Krasniqi pas fitores që ka arritur kundër hungareze, Reka Pupp, duke fituar medaljen e artë në Grand Slam Paris 2023, përcjell InLajmi.
Ministri Çeku ka vlerësuar se sportistet tona, me angazhimin e tyre po japin shembull për fëmijët e të rinjtë e vendit.
Ai iu ka uruar shumë suksese xhudisteve të tjera në këtë garë që po zhvillohet në Paris të Frances.
Postimi i plotë i tij:
Flamuri ynë përsëri i pari 
Xhudistja Distria Krasniqi sonte mori medalje të artë në Grand Slamin e xhudos në Paris.
Sportistet tona, me angazhimin e tyre po japin shembull për fëmijët e të rinjtë e vendit.
Urime Distrias dhe gjithë komunitetit të sportit. Shumë suksese xhudisteve të tjera në këtë garë./InLajmi/
