Avokati i njohur kosovar, Arianit Koci ditën e ka nisur me një kritike ndaj pushtetit lokal, pasi sipas tij në sallat e Gjykatës Themelore në Prishtinë, nuk ka ngrohje që nga fillimi i sezonit të dimrit, përcjell InLajmi.
Ai madje tha se kur temperaturat në orët e hershme të mëngjesit janë -3 grad celsius atëherë mbatja e gjykimeve në këto kushte është e patolerueshme dhe katastrofike.
Koci ka kërkuar që gjykimet të ndërpritën derisa në sallat e Gjykatës Themelore të krijohen kushtet.
Postimi i plotë i tij:
Në sallë të Gjykatës Themelore në Prishtinë, nuk ka ngrohje qe prej fillimit të sezonës së dimrit.
Në fakt, tash e kuptova që nuk ka në asnjërën sallë.
Kur temperatura është në mëngjes – 3, mbajtja e gjykimeve në këto kushte është farsë.
Katastrofë!
Çka është më e çuditshmja, sa po e shoh, nuk ka reagime publike nga ana e askujt.
Gjykimet duhet të ndërpritën derisa të krijohen kushtet në salla të Gjykatës.
P.s
Ironia është se në bife të Gjykatës, paska ngrohje; e paskan blerë privatisht një kalorifer./InLajmi/
