Aktivisti i PSD-së, Nol Nushi ka reaguar pas aksionit brenda studios së RTK-së ku po transmetoheshin lajmet qendrore drejtpërdrejtë me një pankartë, ku shkruhej “Radio Televizioni i Kurtit”, përcjell InLajmi.
Nushi tha se se me emërimin e Rilind Gërvallës, drejtor të ri të televizionit publik, tash e tutje lajmet do të jenë të partisë, dhe redaksia është qeveria.
Ai shtoi se me këtë emërim pushteti na hyn nëpër shtëpi.
Postimi i plotë i tij:
Radio Televizioni i Kurtit
Lajmet e televizionit publik tash e tutje janë lajmet e partisë. Redaksia tash është Qeveria. Policia nuk është më veç në rrugë. Ajo vjen përmes filtrave të censurës. Garanton Rilind Gërvalla, drejtor i televizionit, i deleguar nga Partia-Shtet.
Emërimet partiake nëpër ndërmarrje e agjenci janë bërë pjesë e përditshmërisë. Por, ky nuk është emërimi i radhës. Me këtë emërim pushteti na hyn nëpër shtëpi. Për të na treguar si duhet t’i kuptojmë veprimet e tij. Por, qytetarët tanë e kanë kaluar, dhe nuk do të kthehen me në kohërat e errëta ku jeton ky regjim. Liria do t’i gjejë rrugët e saj./InLajmi/
