Koordinatori i Departamentit për Financa në Kabinetin për Qeverisje të Mirë, Arben Mustafa, reagoi pas publikimit të koeficientit të pagave, përcjell InLajmi.
Mustafa e kritikoi ashpër qeverinë, ndërsa theksoi se me vlerën e përcaktuar të koeficientit kjo qeveri ka goditur edhe një herë standardin e jetesës të shumë qytetarëve të Kosovës.
“ Ende pa kaluar tronditja nga shtrenjtimi i faturave të tatimit në pronë, kjo qeveri ndërmerr një goditje tjetër, atë të ndëshkimit me pagë të kategorive të ndryshme të punonjësve të sektorit publik, duke lënë kështu qytetarët në pasiguri të lartë se cilat do të jenë veprimet e radhës të kësaj qeverie”, tha ai.
Më tej ai shtoi se ky koeficient do të përkeqësojë mirëqenien e shumë kategorive të qytetarëve. /InLajmi/
