Kreu i Aleancës për Ardhmërinë e Kosovës, Ramush Haradinaj ka reaguar pas bërjes publike të koeficientit pagave me Ligjin e ri i cili “traumatizoi” masën pasi vlera e tij është vetëm 105 euro, përcjell InLajmi.
Haradinaj tha se Qeveria e Kosovës ia vuri vulën mashtrimit, pasi fshehja e deritanishme e koeficientit e paska pasur qëllim t’i “befasoi” punëtorët duke i lënë të pakënaqur.
I pari i AAK-së ka deklaruar se ky vendim i Qeverisë kishte për qëllim t’i fus në debate dhe përplasje edhe përfaqësuesit sektorëve të ndryshëm duke bërë rritje të kamufluara për disa sektor, nivele dhe pozita.
Postimi i plotë i tij:
Qeveria e re, në ditën e parë të punës, në takimin e parë, vendimin e parë ta marrë për ta rritur koeficientin e pagave, që përjetë të respektohen zyrtarët në sektorin publik.
Përndryshe, sot qeveria i vuri vulë mashtrimit. Fshehja e deritashme e koeficientit kishte për qëllim t’i zë në befasi të pakënaqurit me këtë vendim. E ata janë shumë! Krejt ky veprim i qeverisë, në mënyrë që të sabotojë mundësinë për sfidimin dhe shfrytëzimin e proceseve dhe mekanizmave ligjorë kundër këtij ligji i cili nëpunësit dhe profesionistët shtetërorë i trajton si ‘armiqësorë’, i anatemon.
Kishte për qëllim t’i fusë në debate dhe përplasje edhe përfaqësuesit e ndryshëm sektorialë, duke bërë rritje të kamufluara për disa sektorë, nivele dhe pozita, përderisa shumicës ia konfirmon ato paga që i kishin tashmë.
Ligji sipas këtij koeficenti ka krijuar terren për keqkuptime ndaj kundërshtimeve opozitare të një vendimmarrjeje qeveritare arbitrare dhe përjashtuese. Kjo qasje është fyese! Ky koeficient është alarmues dhe mashtrues!/InLajmi/
