Lideri i AAK-së Ramush Haradinaj po vazhdon të qëndroj në SHBA ku këtë të mërkurë u takua me Thom Tillis, përcjell InLajmi.
Haradinaj deklaroi se senatorit i ri konfirmoi që Kosova është e fokusuar dhe e mishëruar me SHBA-të.
Ai shtoi se e falënderoi Senatorin Tillis për përpjekjet e vazhdueshme të ShBA dhe përshkushtimin e tij personal që Kosova të funksionojë si shtet i lirë
Postimi i plotë i tij:
Në vazhdën e vizitës në SHBA, pata nderin të takoj Senatorin Thom Tillis.
Senatorit Tillis i rikonfirmova që Kosova është e fokusuar dhe e mishëruar me Shtetet e Bashkuara të Amerikës dhe këshillat e politikat që na sugjerohen nga ta. Roli i ShBA-së në Kosovë është më i rëndësishmi, si për nga historia po ashtu edhe e ardhmja demokratike.
E falënderova Senatorin Tillis për përpjekjet e vazhdueshme të ShBA dhe përshkushtimin e tij personal që Kosova të funksionojë si shtet i lirë, sovran, demokratik dhe unik për nga vlerat. Kërkova nga Senatori Tillis të na mbështesë në anëtarësimim e Kosovës në NATO dhe në njohjen e Kosovës nga vendet mosnjohëse. /InLajmi/
