Kreu i AAK-së Ramush Haradinaj, ka takuar senatoren amerikane nga shteti i Iowa-s, Joni Ernst në Washington, të cilën e falëndëroi për kontributin që ka dhënë ky shtet karshi Kosovës, përcjell InLajmi.
Haradinaj thotë se partneriteti i ngushtë i Kosovës me shtetin e Iowa-s është dëshmia më e mirë e orientimit tonë pro-amerikan.
Tutje, ai thekson se kontributi i Iowa-s në forcimin e FSK-së është një ndër të arriturat kulminante të këtij bashkëpunimi.
Postimi i plotë i tij:
Partneriteti i ngushtë i Kosovës me shtetin e Iowa-s është dëshmia më e mirë e orientimit tonë pro-amerikan.
Pata kënaqësinë që ta falënderoj nga afër Senatoren amerikane nga shteti i Iowa-s, Joni Ernst, gjatë takimit që zhvilluam në senatin amerikan në Washington.
Në shtetndërtimin e Kosovës, kontribut të lartë ka dhënë edhe shteti i Iowa-s, përmes bashkëpunimit në shumë fusha, si në arsim dhe ekonomi por edhe në rritjen e kapaciteteve të Ushtrisë së Kosovës.
Garda Nacionale e Iowa-s dhe kontributi i saj në forcimin e FSK-së është një ndër të arriturat kulminante të këtij bashkëpunimi.
Miqtë si Ernst duhet t’i mbajmë përherë afër vetes! /InLajmi/
