Lideri i AAK-së njoftoi se është takuar me mikun e madh të shqiptarëve, kongresmenin z. Ritchie Torres, përcjell InLajmi.
Haradinaj deklaroi se në takim shtroi nevojën për thellimin e bashkëpunimit strategjik në mes të 2 vendeve në të gjitha sferat.
Më tej ai deklaroi se aleanca me Amerikën është jetike dhe duhet të trajtohet si e tillë.
Postimi i plotë i tij:
Nder i veçantë të takohem me mikun e madh të shqiptarëve, kongresmenin z. Ritchie Torres, të cilit i shpreha mirënjohjen për përkrahjen e tij dhe mbështetjen e pazëvendësueshme që ShBA-të i kanë dhënë Kosovës në të gjitha periudhat.
Në takim shtrova nevojën për thellimin e bashkëpunimit strategjik në mes të dy vendeve në të gjitha sferat, atë të sigurisë, politikës së jashtme dhe shkëmbimit ekonomik. Po ashtu, ftova Kongresmenin Torres për vizitë në Kosovë.
Aleanca e jonë me Ameriken është jetike dhe duhet të trajtohet si e tillë. Kosova është më e fortë kur ka miq në Amerikë të cilët asnjëherë nuk e lënë të vetme, në situatat me të cilat ballafaqohet. /InLajmi/
