Ambasadori i Mbretërisë së Bashkuar në Kosovë, Nicholas Abbot foli për diskutimin e kësaj të martje për Asociacionin e komunave me shumicë serbe, përcjell InLajmi.
Abbot deklaroi se e mirëpriti diskutimin e mbajtur këtë ditë në ambasade amerikane.
Më tej ai inkurajoi Qeverinë Kurti të bëjë përparim në procesin e dialogut, përfshirë këtu edhe themelimin e asociacionit.
Postimi i plotë i tij:
Një diskutim i mirëpritur sot nga Ambasada amerikane dhe me pjesëmarrje të shkëlqyer. Përmes Dialogut, Kosova është angazhuar për themelimin e një ASMM dhe palëve u takon të pajtohen formën dhe kohën e themelimit të saj. Ne inkurajojmë qeverinë që të bëjë progres në të 2ja. Një organ i tillë nuk është vetëm angazhim ndërkombëtar, por ofron mundësi edhe për serbët kosovarë që të jenë pjesë e pandashme e Kosovës. Kosova është vend multietnik dhe komunat e saj do të mbeten multietnike. Nuk ka diskutim për krijimin e një enklave mono-etnike. /InLajmi/
