Komuna e Prishtinës ka njoftuar se janë bërë ca ndryshime në planet e tarifimit për transportin publik, zyrtarë nga Komuna e Prishtinës kanë bërë të ditur se për të gjithë përdoruesit e rregullt, çmimi i biletës mujore nga 14.00 euro do të zbresë në 13.50 euro, përcjell InLajmi.
Në lidhje me këtë kanë reaguar nga Levizja Vetëvendosje të cilët thanë së ku i kanë fjalët Partia Demokratike e Kosovës, të cilët që gjatë kohës së fushatës premtonin transport publik falas.
Sipas tyre Komuna e Prishtinës shtrenjëtoi çmimin e biletës se rregullt duke e bërë atë 0.50cent, e nga ana tjetër e liroi atë mujore në 13.50cent.
VV thanë së nga premtimi i PDK-së për transport falas ja tek jemi sot në shtrenjëtim 25% të transportit.
Njoftimi i plotë i Lëvizjes Vetëvendosje:
Partia Demokratike e Kosovës gjatë fushatës zgjedhore në Prishtinë premtonte transport publik falas.
Drejtorinë e Shërbimeve Publike, e ku përfshihet transporti publik, në Komunen e Prishtinës e udhëheq PDK-ja.
Sot, Komuna e Prishtinës njoftoj se çmimi i biletës së rregullt, prej datës 31 janar, pra nesër, do të jetë 25% më i lartë.
Nga premtimi për transport falas, arritëm te transporti 25% më i shtrenjtë. Kjo është PDK-ja, ky është koalicioni LDK-PDK që qeverisë me Prishtinën./InLajmi/
