Deputetja e Kuvendit të Kosovës, Ariana Musliu Shoshi deklaroi se këtë të hënë në Komisionin për të Drejta të Njeriut diskutuan me përfaqësues të Komisionit Vlerësues Mjekësor për Statusin dhe të Drejtat e Personave Paraplagjik dhe Tetraplegjik, përcjell InLajmi.
Deputetja nga PDK njoftoi se në këtë komision kërkoi që të shkarkohet komisioni aktual vlerësues dhe të riemërohet komisioni i ri vlerësues.
Postimi i plotë i saj:
Sot, në Komisionin për të Drejta të Njeriut diskutuam me përfaqësues të Komisionit Vlerësues Mjekësor për Statusit dhe të Drejtat e Personave Paraplagjik dhe Tetraplegjik.
Është e dhimbshme mënyra se si trajtohet kjo kategori duke filluar nga plotësimi i formularit, paraqitja në dy komisione vlerësuese, ku i pari nuk merret fare parasyshë, e duke përfunduar në ekzaminim 3 min, e duke u kërkuar të lëvizin këmbën! Ky trajtim fyen integritetin e dinjitetin e pacientëve.
Bazuar në ankesat e përfaqësuesve të Shoqatës HANDIKOS propozova që:
Të shkarkohet komisioni aktual vlerësues (bazuar në shkeljet ligjore dhe trajtimin joadekuat të kësaj kategorie të shoqërisë tone). Të riemërohet komisioni i ri vlerësues. Unë besoj thellë që kemi doktor me integritet të lartë.
Të bëhen ndryshime e menjëhershme ligjore, në mënyrë që të evitohet hapsirat ligjore në aktet nënligjore ku shkelen të drejtat e personave Paraplagjik dhe Tetraplegjik dhe ushtrohet trajtim jo adekuat nga kategoria që do të duhej të ofrohej kujdes maksimal. /InLajmi/
