Deputetja e Vetëvendosjes, Tinka Kurti tha se Asociacioni i komunave me shumicë serbe i dobëson komunat me shumicë serbe dhe e forcon shtetin serb, përcjell InLajmi.
Sipas saj kryetari i ardhshëm i cili do vie me të formuar të Asociacionit nuk do bëjë gjë tjetër pos do marrë “aminin” nga kryeministri i Qeverisë serbe, Aleksander Vuçiq.
Kurti është shprehur e bindur se ky Asociacion do i fuqizojë 10 kryetarët e komunave me shumicë serbe në Kosovë e që së bashku do ta luftojë edhe ministrin Nenad Rashiq në Prishtinë.
Postimi i plotë i saj:
Asociacioni i komunave me shumicë serbe (Zajednica) i dobëson komunat me shumicë serbe dhe e forcon Serbinë. Kryetari i ardhshëm i Asociacionit do ta marrë aminin te Vuçiqi dhe Porfirije në Beograd, do t’i dominojë kryetarët e 10 komunave me shumicë serbe në Kosovë dhe do ta luftojë ministrin Nenad Rashiq në Prishtinë./InLajmi/
