Përfaqësuesit e Shoqatës “Handikos” janë shprehur të shqetësuar që sipas Ligjit personat Paraplegjik dhe Tetraplegjik të rivlerësohen nga komisionet e që sipas tyre kjo është e padrejtë sepse nuk mund të rivlerësohet një sëmundje që është e përhershme, raporton InLajmi.
Sipas shoqatës “Handikos” edhe kjo kategori personash duhet të përfitojnë kompensime financiare.
Gjatë raportimit në Komisionin për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, Afrim Maliqi nga kjo Shoqata “Handikos” nuk e sheh të arsyeshme rivlerësimin e personave që janë të prekur nga sëmundja është e përhershme.
“Ne e kemi ngrit si çështja për vite jo vetëm tash, ligjin i cili nënkupton kompensimin për persona Paraplegjik dhe Tetraplegjik. Ligji ka filluar të zbatohet në vitin 2017, nga kjo kanë përfituar 3.100 persona, në vitin e kaluar nga rivlerësimi ka rënë numri në 2.500 persona, shtohet çështja se ku kanë mbetur ata persona. Ne si organizatë jemi në cilësi te vëzhguesit. Unë e kam ngrit çështjen që të vlerësohen drejtë të gjithë personat. Në asnjë vend nuk ndodh që të vlerësohet personi me aftësi të kufizuara”, tha ai.
Maliqi, gjithashtu kërkon që ndihma financiare për paraplegjikët dhe tetraplegjikët të rritet pasi sipas tij vlera ligjore prej 150 euro nuk është e mjaftueshme.
“Gjendja vetëm mund të përkeqësohet. Këto komisione dhe kjo ministri nuk po mundet që këto 2 grupe t’i rivlerësojë. Ne kemi kërkuar që të gjithë personat me aftësi të kufizuar të përfshihen në një ligj. Jam tmerruar me atë gjendje në Komision”, tha ai./InLajmi/
