Deputeti i Kuvendit të Kosovës, Avdullah Hoti reagoi sërish për rritjen e vlerës së tatimit në pronë, përcjell InLajmi.
Hoti deklaroi se në 2-fishimit të çmimeve, 2-fishohet edhe tatimi në pronë për shkak se Ministria e Financave e rrit vlerën e pronave pa i marrë parasysh rrethanat socio-ekonomike në vend.
Ndërsa kërkoi që Ministria e Financave ta pezullojë këtë vendim.
Postimi i plotë i tij:
Në kohën e dyfishimit të çmimeve, dyfishohet edhe tatimi në pronë për shkak se Ministria e Financave e rrit vlerën e pronave pa i marrë parasysh rrethanat socio-ekonomike në vend.
LDK-ja propozon dhe është e gatshme të mbështesë këto masa:
- Ministria e Financave të pezullojë rivlerësimin e pronave dhe faturat për vitin 2023 të llogariten sipas vlerësimeve të mëparshme.
- Ministria e Financave të procedojë në Kuvend Ligjin e ri për Tatim në Pronë për të bërë përshtatjet që reflektojnë situatën e rëndë nga inflacioni.
- Ministria e Financave, në bashkëpunim me komunat, gjatë vitit 2023 të bëjë ri-vlerësimin e pronave pas përcaktimit të zonave që marrin parasysh zhvillimin e vendbanimeve dhe ngastrave kadastrale (kjo për shkak se gjatë ri-vlerësimit të pronave janë përdorur zonat e vjetra pasi ka dështuar sistemi i Departamentit të Tatimit në Pronë). /InLajmi/
