Ministrja e Ekonomisë Artane Rizvanolli, ka pritur në takim delegacionin e Qeverisë së Kroacisë në krye me ministrin Davor Filipoviç dhe ambasadoren Danijela Barisiç, përcjell InLajmi.
Gjatë takimit është diskutuar rreth mundësisë së investimeve në Republikën e Kosovës, veçanërisht në fushën e energjisë dhe TIK-ut.
Ministrja Rizvanolli me diplomatët kroatë këmbyen përvojat për përballjen me krizën energjetike dhe inflacionin.
Në fund, u diskutua edhe për hyrjen e Kroacisë në Eurozonë dhe Shengen, synim ky që edhe Republika e Kosovës synon ta arrijë në një të ardhme të afërt
Postimi i plotë i tij:
Ishte kënaqësi të pres në takim delegacionin e Qeverisë Kroate, në krye me Ministrin për Ekonomi dhe Zhvillim të Qëndrueshëm z. Davor Filipovic dhe ambasadoren zj.Danijela Barisic. 🇽🇰🇭🇷
Intensifikimi i marrëdhënieve bilaterale dhe forcimi i bashkëpunimit ekonomik me shtetet mike si Kroacia është tejet i rëndësishëm.
Gjatë takimit kemi diskutuar rreth mundësisë së investimeve në Republikën e Kosovës, veçanërisht në fushën e energjisë dhe TIK-ut, si dhe kemi këmbyer përvojat tona në përballje me krizën energjetike dhe inflacionin.
Në fund, kam uruar delegacionin për hyrjen e Kroacisë në Eurozonë dhe Shengen, synim ky që edhe Republika e Kosovës synon ta arrijë në një të ardhme të afërt. /InLajmi/
