Komuna e Skenderajt ka njoftuar se punën do ta zhvillojë edhe gjatë ditëve të vikendit pas vërshimeve, përcjell InLajmi.
Nga Komuna e Skenderajt njoftuan se gjatë fundjavës do të punohet orar të zgjatur nga ora 8:00 deri në ora 19:00, me qëllim që qytetarët të kenë mundësi të parashtrojnë kërkesat e tyre.
Njoftimi i plotë i Komunës së Skenderajt:
Të dashur qytetarë, sa i përket parashtrimit të kërkesave në lidhje me vlerësimin dhe kompenzimin e dëmeve nga vërshimet e fundit që ka pasur Komuna e Skenderajt, ju njoftojmë se afati për parashtrimin e kërkesave për vlerësim dhe kompenzim të dëmeve të shkaktuara nga vërshimet është hapur nga data 23.01.2023 e vlen deri me 31.01.2023.
Duke pas parasysh numrin e madh të kërkesave dhe për t’u dhënë kohën të gjitha familjeve të prekura që të përfundojnë këtë procedurë, kryetari i Komunës së Skenderajt Fadil Nura, ka marrë vendim që edhe gjatë fundjavës, përkatësisht të shtunave dhe të dielave, të punohet me orar të zgjatur nga ora 8:00 deri në ora 19:00, me qëllim që qytetarët të kenë mundësi të parashtrojnë kërkesat e tyre.
Skenderaj /InLajmi/
