Kreu i Partisë Demoratike të Kosovës, Memli Krasniqi i ka kërkuar të parit të Qeverisë së Kosovës, Albin Kurti që të përgjigjet në disa pyetje të parashtruara në lidhje me “skandalin” e ambasadorit, Martin Berishaj, përcjell InLajmi.
Krasniqi tha se raportimi i mediave të ndërkombëtare për rastin e Berishajt është vërtetë për t’u shqetësuar, pasi ky “skandal” ndikon direkt në imazhin e Kosovës.
Tutje kryetari Krasniqi ka thënë së janë qytetarët ata që meritojnë të dinë se çfarë po bëhet me këtë rast.
Ai i është drejtuar Kurtit duke i thënë së pse po heshtë përball skandalit e mbi të gjitha pse po e mbron kaq shumë bashkëpunëtorin e tij të ngushtë.
Si përfundim Krasniqi është shprehur i bindur se kësaj radhe Kurti nuk do mund të dal nga situata duke heshtur, por do jap llogari në lidhje me këtë skandal.
Mesazhi i plotë i tij:
Kjo aferë e Martin Berishajt, e raportuar në media ndërkombëtare, ngre dyshime serioze për Qeverinë e Kosovës. Si mund të flitet për respektimin e shtetit të së drejtës, ndërkohë që përfaqësuesit më të lartë të shtetit tonë përfshihen në afera të tilla financiare dhe ata mbrohen nga krerët e shtetit? Si e ndikon ky skandal imazhin e shtetit tonë, tani kur jemi në prag të liberalizimit të vizave dhe kur kemi aplikuar për anëtarësim në Bashkimin Evropian?
Qytetarët me të drejtë po pyesin dhe meritojnë të dinë se si u bë që Berishaj për një ditë e mori nënshtetësinë e Kosovës e të nesërmen u emërua Ambasador në Kroaci, si e kaloi ai verifikimin e sigurisë nga institucionet përgjegjëse të vendit, si është e mundur që Qeveria po e mbron Berishajn me kaq besnikëri në vend se ta shkarkojë e ta sjellë në Kosovë për hetime serioze, çka di kryeministri për pohimet se milionat e Berishajt janë përdorur për fushata zgjedhore në Kosovë, si dhe a mori GEN-I, me degë në Serbi, kontrata në Kosovë si “shpërblim” në këmbim të parave që ia dha Berishajt”.
Dhe më e rëndësishmja: Kryeministër, pse po heshtë për këtë skandal dhe pse po e mbron kaq shumë bashkëpunëtorin tënd të ngushtë, Ambasadorin Martin Berishaj? Ju keni premtuar se do ta luftoni korrupsionin, e tash ndodheni në mesin e një skandali rajonal të korrupsionit. Po vepron si një struc kryeministër, duke e zhytë kokën në rërë dhe duke pritë që ky problem disi do të kalojë. Por, këtë herë nuk do t’ia dalësh duke heshtur. Qytetarët po e kërkojnë të vërtetën dhe ata meritojnë ta dinë tregimin e plotë për aferën Martin Berishaj./InLajmi/
