Forcat e Armatosura të Kosovës kanë njoftuar se këtë të enjte rreth orës 11:30 në Kazermën “Ushtarët e NATO-s” në Istog, ka shpërthyer një zjarr në një nga objektet montazh, përcjell InLajmi.
Nga FSK treguan edhe arsyet e përhapjes së zjarrit ku treguan se kjo përhapje erdhi si pasojë e të materialit lehtë të ndezshëm dhe vjetërsisë së objektit.
Më tej treguan se lëndime në personel nuk ka, përveç dëmeve materiale, dhe për shkaktarët që quan deri te zjarri do të merren ekspertët kompetentë.
Njoftimi i plotë i Forcave të Armatosura të Kosovës:
Sot rreth orës 11:30 në Kazermën “Ushtarët e NATO-s” në Istog, ka shpërthyer një zjarr në një nga objektet montazh, të trashëguara nga KFOR-i, Spanjoll, të ndërtuara pas luftës në Kosovë.
Përhapja e zjarrit është bërë shpejt për shkak të materialit lehtë të ndezshëm dhe vjetërsisë së objektit reagimi ishte i menjëhershëm nga ekipe të FSK-së, dhe të zjarrfikësve nga Komunat Istog, Klinë dhe Pejë ku dhe kanë arritur të lokalizojnë zjarrin për të mos u përhapur në objektet tjera afër, dhe pas disa orësh zjarri është shuar plotësisht.
Lëndime në personel nuk ka, përveç dëmeve materiale, dhe për shkaktarët që quan deri te zjarri do të merren ekspertët kompetentë. /InLajmi/
