Gjurmët e rrugës automobilistike nga Qafa e Thores për në pikën turistike te Thethit janë zhdukur nga dëbora e cila në segmente të caktuara shkon deri në 5 metër.
Borëpastrueset kanë tentuar disa herë që ta pastrojnë por orteqet e njëpasnjëshme nuk lejojnë avancimin.
Kjo është edhe pika fundore ku kanë shkuar borëpastrueset dhe nuk mund te vazhdohet me tej. Nga këtu e deri ne Theth duhen të paktën edhe 3 orë ne këmbe. Kjo ka paralizuar jo vetëm lëvizjen e banorëve por edhe turizmin në Theth.
Borëpastrueset punojmë vetëm gjatë pasdites pasi më herët, temperaturat favorizojnë shkëputjen e dëborës nga malet, shkruan Top Channel.
4 vite me parë, kur qeveria prezantoi projektin e rrugës, banoret e Thethit e kundërshtuan ndërtimin e saj me 3 tunele të vegjël pasi sipas tyre, zona ka orteqe të shumta dhe kërkuan një tunel te vetëm, 2 kilometër, qe do te shmangte dëborën dhe bllokimin, por kërkesa e tyre nuk u dëgjua dhe këto janë rezultatet.
