Qytetarëve të prekur nga vërshimet në Komunën e Mitrovicës vetëm edhe një reshje bore iu mungonte e ajo u zbraz në Shalën e Bajgorës mëngjesin e së enjtes, shkruan InLajmi.
Kështu ka bërë të ditur ekskluzivisht për Gazetën InLajmi, drejtori i Emergjencave në Komunën e Mitrovicës, Bahtir Maxhuni.
Maxhuni njoftoi përveç problemeve me vërshimet të enjten komuna është angazhuar t’iu dal në ndihmë banorëve të Shalës së Bajgorës duke hapur rrugët e mbuluara nga bora.
Sipas tij, të gjitha njësitë dhe mekanizmat janë vënë në veprim për të pastruar borën në atë pjesë duke i bërë rrugët e kalueshme.
Ndryshe , drejtori Maxhuni tha se Komuna e Mitrovicës pret ndihmë nga Qeveria e Kosovës për të kompensuar dëmet nga vërshimet e fundit si në pjesët tjera ashtu edhe në atë të Bajgorës e cila e prekur nga vërshimet tani ballafaqohet edhe me reshjet e borës.
“Koha në pjesën e Shalës është me borë në po mundohemi me aq sa kemi mundësi t’i ndihmojmë qytetarët e asaj zone, pasi edhe atje janë të prekur nga vërshimet dhe sa me shpejtë që ndihmohemi në aspektin financiar nga Qeveria e Kosovës dhe ne do i gjendemi pranë çdo qytetari”, tha Drejtori i Emergjencave në Komunën e Mitrovicës, Bahtir Maxhuni. Arjanita Osmanaj /InLajmi/
