Komuna e Klinës ka hapur Fondin Emergjent për Vërshimet, me anë të të cilit u bën thirrje bamirësve që të solidarizohen me qytetarët dhe të ndihmojnë, përcjell InLajmi.
Këtë e bëri të ditur kryetari i Klinën Zenun Elezaj.
Me anë të këtij fondi synohet që të rindërtohen zonat e shkatërruara në Komunën e Klinës, si dhe të bëhet rimëkëmbja e familjeve të prekura nga vërshimet.
Elezaj thekson se në çdo fatkeqësi natyrore apo vështirësi, shqiptarët kanë treguar zemërgjerësi duke qenë çdo herë krah i fortë për njëri tjetrin, prandaj ai beson se edhe kësaj here qytetarët e Klinës nuk do të mbesim vetëm. /InLajmi/
