Koordinator i Grupit Punues të Konventës Kombëtare të BE-së për dialogun Kosovë-Serbi, Dragisha Majçiq gjatë diskutimit në panel tha se propozimi franko-gjerman synon që të krijojë elemente që 3 shtetet, Sllovakia, Greqia dhe Rumania ta njohin Kosovën si shtet, transmeton InLajmi.
Ndërkohë ka shtuar se nuk dihet se cili do të jetë reagimi i Spanjës dhe Qipros, por thotë se 3 shtetet e lartcekura presin që Kurti dhe Vuçiq të shtrëngojnë duart për marrëveshje dhe pastaj do ta njohin Republikën e Kosovës.
Tutje Majçiq thotë se marrëveshja sipas propozimit franko-gjerman është deklaruar si marrëveshje e përkohshme, hap i ndërmjetëm dhe jo final për normalizimin e marrëdhënieve ndërmjet Beogradit dhe Prishtinës.
“Marrëveshja përfundimtare do të zyrtarizohet përmes hyrjes së Serbisë në BE, kur do të kërkohet njohja zyrtare e Kosovës nga Serbia. Megjithatë, pas kësaj marrëveshjeje do të mbetet vetëm pika se Serbia do ta njohë Kosovën”. /InLajmi/
