Analisti, Blerim Burjani ka folur në lidhje me atë se cili është emërtimi i Asociacionit.
Ai është shprehur se duhet gjetur një emërtim që nuk prej etnitë, sepse siç u shpreh ai, mund të hapen rrugët edhe për asociacione të tjera etnike.
“Duhet të gjendet emërtimi i cili nuk e prek etninë, sepse Kosova është shtet shumë etnik dhe në momentin kur thuhet se Kosova mund të ketë edhe asociacione etnike, atëherë e hap rrugën e shumë asociacioneve të tjera etnike”.
“Nuk është një problem që ne të merremi me serbët si pakicë, por problemi më pas është edhe tek pakicat e tjera, sepse kjo e hap rrugën, apo derën për të gjitha pakicat që të kërkojnë një asociacion të mundshëm etnik”, u shpreh ai.
Tutje, Burjani u shpreh se duhet gjetur modaliteti i pranueshëm kushtetues në emërtim, shkruan Klankosova.tv.
“Pra, më së miri do të ishte ajo që është thënë dhe që po e përsëris edhe tani, të gjendet modaliteti i pranueshëm kushtetues në emërtim”, u shpreh tutje ai.
