Reshjet e shiut të cilat vërshuan qytetet e Kosovës javën që lamë pas kanë bërë që qytetarët t’u “kthejnë kurrizin” shtëpive duke i lënë në mëshirën e llumit të përmbytjeve, shkruan InLajmi.
Kësaj radhe qyteti që pësoi më së keqi është ai i Skënderajt, kështu edhe qytetarët e kësaj komune u vendosën tek të afërmit e tyre, pasi që vërshimet shkatërruan pothuajse çdo gjë që ata kishin
Tanimë dihet së zgjidhja e vetme që iu ka mbetur të prekurve nga vërshimet është ndihma nga komuna, qeveria dhe njerëzit më zemër të madhe.
E njëri nga këta njerëz “zemër bardhë” që donë të ndihmojë sadopak familjet që janë dëmtuar nga vërshimet del të jetë edhe kryetari i Komunës së Skenderajt Fadil Numra i cili dhuron pagën e tij mujore për Fondin Emergjent për Vërshime, fond ky i krijuar me nismën e tij.
Këtë e bëri të ditur ekskluzivisht për Gazetën InLajmi kryetari Fadil Nura, i cili tha ka transferuar komplet pagën e janarit në Fondin Emergjent për Vërshime.
Kështu ai si i pari i komunës i hapi rrugën solidaritetit shoqëror, mbase do të jetë shembull edhe për të tjerët që të kontribuojnë sipas mundësive në sanimin e gjendjes së krijuar pas vërshimeve në komunën e tij, por edhe komunat tjera që janë dëmtuar nga përmbytjet.
“Une personalisht kam qenë nismëtar në Fondin Emergjent për Vërshime, pasi e kam dhuruar rrogën time të janarit dhe kështu kam bërë thirrje për ndihmë”, u shpreh kryetari i Komunës së Skënderajt/Arjanita Osmanaj/ /InLajmi/
