Ish-kryeministri Avdullah Hoti, ka thënë se propozimet e LDK-së janë refuzuar deri tani nga Qeveria e Kosovës, jo ngaqë nuk ishin adekuate, por vetëm se ishin të LDK-së, përcjell InLajmi.
Hoti thotë se LDK sugjeron heqjen e TVSH-së për produktet bazike, uljen e çdo barre tatimore dhe ngritjen e pagave në përputhje me inflacionin.
Sipas tij, ky plan i LDK-së është një plan në anën e familjeve dhe njerëzve punëtorë.
Në fund, ai thotë se Kosova meriton më mirë dhe mundet më shumë.
Postimi i plotë i tij:
Propozimet e LDK-së janë refuzuar deri më tani jo sepse nuk ishin adekuate, por sepse ishin të LDK-së.
Nuk mund të vazhdojmë kështu. Duhet të heqim TVSH-në në produktet bazike, të ulim çdo barrë tatimore tani, dhe t’i rrisim pagat në përputhje me inflacionin. Ky është plani i LDK-së, një plan në anën e familjeve dhe njerëzve punëtorë.
Kosova meriton më mirë; Kosova mundet më shumë! /InLajmi/
