Departamenti Amerikan i Drejtësisë ngriti një padi kundër motorit të kërkimit Google për një monopol në tregun e reklamave në internet.
“Google përdori metoda anti-konkurruese dhe të paligjshme për të eliminuar ose reduktuar në mënyrë drastike çdo kërcënim ndaj dominimit të saj mbi teknologjitë e përdorura për reklamat dixhitale”, thuhet në dokumentin, i cili u pa nga disa agjenci globale.
Ministria dhe tetë shtete amerikane, përfshirë Kaliforninë dhe Nju Jorkun, po i kërkojnë gjykatës të dënojë grupin kalifornian për shkelje të ligjeve të konkurrencës, ta urdhërojë atë të paguajë dëmshpërblim dhe të ndalojë aktivitetet e tij monopoliste të reklamimit në internet.
Google tashmë është gjobitur për shkelje të ligjeve të konkurrencës në Bashkimin Evropian, shkruan Alsat M.
Kompania amerikane tashmë po përballet me padi të ngritura nga një grup vendesh në fund të vitit 2020. Paditë zbatohen edhe për monopolin e reklamave.
