Dita e parë e Vitit të Ri Kinez bie më 22 janar të këtij viti. I njohur gjithashtu si Festivali i Pranverës ose Viti i Ri Hënor, festivali që shënon ardhjen e pranverës festohet gjerësisht në Kinë dhe në disa vende të Azisë Lindore.
Familjet tradicionalisht mblidhen gjatë kësaj kohe për të ndarë ushqime, ndërsa fëmijëve shpesh u jepen para në pako të kuqe të njohura si “hong bao”.
Fillimi i Vitit Hënor sheh gjithashtu rrotullimin e zodiakut kinez që kalon në një cikël 12-vjeçar, secili i përfaqësuar nga një kafshë.
Ka disa histori që shpjegojnë zodiakun: Një legjendë thotë se Perandori Jade, një hyjni e rëndësishme kineze, i kishte ftuar të gjitha kafshët në një “garë të madhe”, ku 12 të parat u shpallën fituese.
Të 12-të kafshët janë miu, kau, tigri, lepuri, dragoi, gjarpri, kali, dhia, majmuni, gjeli, qeni dhe derri.
Nëse keni lindur në 1915, 1927, 1939, 1951, 1963, 1975, 1987, 1999, 2011 ose 2023, ju jeni Lepuri sipas horoskopit kinez.
Çdo vit i kafshëve shoqërohet edhe nga pesë elementët: druri, zjarri, dheu, metali ose uji. Pra, më saktë, viti 2023 është viti i lepurit dhe i ujit, shkruan Front Online.
Lepuri konsiderohet si kafsha më me fat në horoskopin kinez dhe shihet si një simbol i prosperitetit, bollëkut dhe pjellorisë, kjo e fundit për shkak të aftësisë së njohur riprodhuese të kafshës.
