Kryetari AAK-së, Ramush Haradinaj, kujtoi 22 janarin e vitit 1998, sulmin e 2-të të forcave serbe ndaj familjes Jashari në Prekaz, përcjell InLajmi.
Haradinaj deklaroi se rezistenca dhe trimëria e familjes Jashari , frymëzoi edhe më shumë shqiptarët për luftë deri në çlirim.
Haradinaj shtoi se Jasharajt i dhanë emër sakrificës për liri.
Postimi i plotë i tij:
22 janari 1998, për familjen Jashari të Prekazit nuk ishte ditë e zakonshme. Atë ditë, baci Shaban me tërë familjen i rezistuan sulmeve të armikut, në sulmin e dytë që iu bë kësaj familjeje emblematike të kombit tonë.
Rezistenca dhe trimëria e tyre, frymëzoi edhe më shumë shqiptarët për luftë deri në çlirim.
Jasharajt i dhanë emër sakrificës për liri. Kjo familje gjithmonë u nda me lavdi, e armiku gjithëherë u kthye me turp nga Prekazi.
Lavdi të rënëve për liri! /InLajmi/
