Këtë të dielë një person është sulmuar fizikisht nga 4 të tjerë në Mitrovicë, përcjell InLajmi.
Rasti është konfirmuar nga Policia e Kosovës ku treguan se i sulmuari i përket moshës së mitur.
Më tej nga Policia njoftuan se lidhur me rastin hetuesit policor janë duke ndërmarrë veprime hetimore në drejtim të identifikimit dhe arrestimit të personave të dyshuar.
Njoftimi i plotë i Policisë së Kosovës:
Sot me datën 22 janar 2022, në Stacionin Policor Jugu në Mitrovicë, është raportuar dhe iniciuar një rast me elemente të veprës penale Lëndim i lehtë trupor.
Sipas ankuesit m/s/kosovar, i moshës së mitur, sot rreth orës 05:15, deri sa ka qenë në rrugë në fshatin Suhodoll, është sulmuar fizikisht nga katër persona të dyshuar.
Lidhur me rastin, hetuesit policor janë duke ndërmarrë veprime hetimore në drejtim të identifikimit dhe arrestimit të personave të dyshuar.
Të gjitha veprimet e deritanishme hetimore i janë paraqitur prokurorit të rastit. Rasti është iniciuar dhe është duke u hetuar për veprën penale Lëndim i lehtë trupor. /InLajmi/
