Kreu i AAK-së Ramush Haradinaj, ka kujtuar ish-presidentin Ibrahim Rugovën në 17-vjetorin e vdekjes së tij, përcjell InLami.
Haradinaj vlerëson lart kontributin e Rugovës, duke thënë se “Presidenti historik do të mbetet një ndër personalitet kryesore që tërë jetën e tij ia kushtoi lirisë së vendit dhe i vuri themelet e shtetit tonë të pavarur”.
Gjithashtu ai thotë se e ka pasur për nder të bashkëpunoj me ish-presidentin Rugova në periudhën kritike të shtetndërtimit.
Në fund, ai thotë se Rugova do të kujtohet gjithmonë me respekt.
Postimi i plotë i tij:
Presidenti historik Dr. Ibrahim Rugova do të mbetet përjetësisht në kujtimet tona si njëri ndër personalitet kryesore që tërë jetën e tij ia kushtoi lirisë së vendit dhe i vuri themelet e shtetit tonë të pavarur.
E kisha për nder që të bashkëpunoj me të në ditët e para të lirisë e në një periudhë kritike të shtetndërtimit.
Do ta kujtojmë gjithmonë me respekt shembullin dhe vizionin e tij. /InLajmi/
