Reshjet e shiut që përfshin nga e marta vendin kanë shkaktuar vërshime ndërsa vendet që e pësuan më se shumti nga shiu i pandërprerë janë Komuna e Skënderajt, Istogut, Peja, Mitrovica, Klina, Malisheva, Gjakovë dhe Podujevë, shkruan InLajmi.
Sikur në komunat e tjera edhe në komunën e Podujevës vërshimet bënë punën e tyre ndërsa përveç tokave të mbjella uji depërtoi edhe në vendet e banuara gjë që padyshim që ka shkaktuar dëme materiale.
I pari i Komunës së Podujevës, Shpejtim Bulliqi nuk ka ndenjur duarkryq por ka dal në terren për të parë nga afër situatën pas vërshimeve, ndërkohe që jep kurajo dhe premton se të gjithë palëve të demtuara komuna do iu dal në ndihmë.
Bulliqi derisa ishte në terren u deklarua për Gazetën InLajmi, ndërsa theksoi se gjendja në komunën që ai drejton është tej mase e rënduar, por thotë ai në gjithë këtë fatkeqësi e mira është se viktima në njerëz nuk kemi.
Kryetari Bulliqi tha se nga situata në terren por edhe raportet e para vlerësohet së dëmet materiale janë të mëdha.
Tutje kryetari Bulliqi tha së janë të gatshëm t’i ndihmojnë qytetarët e prekur nga vërshimet dhe kjo pritet të ndodh qysh nga dita e sotme.
“Gjendja është e rënduar shumë tej mase, fatmirsishtë pasoja në njerëz deri me tani nuk kemi, kurse dëmet materiale janë relativisht të mëdha, tashmë kemi formuar Komisionin për Vlerësimin e Dëmeve Materiale, qysh nesër jemi të gatshëm të vlerësojm nga afër dëmet e shkaktuar, ndodh që edhe sot mund të fillojmë më vlerësimin e dëmeve”, tha Bulliqi për InLajmin direkt nga terreni./ArjanitaOsmanaj/ InLajmi/
