Forca e Sigurisë së Kosovës bashkë me ekipet e saj të Kërkim Shpëtimit në ujëra, menjëherë pas kumtimit të lajmit për përmbytje në komuna e prekura Skënderaj, Istog, Mitrovicë e Klinë kanë dal terren, përcjell InLajmi.
FSK janë treguar të gatshëm për ndërhyrje dhe kanë kryer operacione të cilat vazhduan edhe gjatë orëve të vona të natës.
Mbi të gjitha ushtria e Kosovës thuhet të jenë përgatitur dhe janë të gatshëm që t’i dalin krhaë autoriteteve civile për tu përballur më vërshimet e krijuara ditëve të fundit.
Ministria e Mbrojtjes ka njoftuar se FSK-ja ka marrë pjesë në operacionet e shpëtimit të jetëve të qytetarëve në zonat e prekura Skenderaj, Istog, Klinë dhe Mitrovicë.
Postimi i plotë i Forcave të Sigurisë së Kosovës:
Operacionet e FSK-së vazhduan edhe gjatë natës
Forca e Sigurisë së Kosovës me ekipet e saj të Kërkim Shpëtimit në ujëra, pas situatës së rënduar të përmbytjeve në vendin tonë, ka ngritur gatishmërinë operacionale, duke marrë pjesë në operacionet e shpëtimit të jetëve të qytetarëve në zonat e prekura Skenderaj, Istog, Klinë dhe Mitrovicë.
Forca e Sigurisë së Kosovës është përgatitur dhe gatshme që të mbështes autoritetet civile në përballje me situatën e krijuar nga vërshimet e ditëve të fundit./InLajmi/
