Sezoni i nominimeve për “Oscar 2023” është afruar, andaj kohëve të fundit janë shtuar pretendimet se cilët mund të jenë të nominuarit për këtë vit, transmeton InLajmi.
“Good Morning America” zbuloi të mërkurën se fituesi i çmimit “Oscar” Riz Ahmed dhe ylli i filmit hit “Megan” Allison Williams do të shpallin drejtpërdrejt të martën e ardhshme, më 24 janar, të nominuarit për Oscar.
Ahmed fitoi çmimin “Oscar 2022” për filmin më të mirë të metrazhit të shkurtër, së bashku me regjisorin Aneil Karia për filmin e shkurtër “The Long Goodbye”. Një vit më parë, Ahmed u nominua për një çmim Oscar për interpretimin e tij kryesor në filmin artistik “Sound of Metal”.
Ku të shikoni nominimet për Oscar
Ahmed dhe Williams do të shpallin nominimet drejtpërdrejt nga Teatri Samuel Goldwyn i Akademisë të martën, më 24 janar, në orën 8:30 të mëngjesit.
Kush janë pretendentët kryesorë të “Oscar 2023”?
Disa nga parashikimet kryesore për filmin më të mirë të këtij viti përfshijnë ” “Avatar: The Way of Water”, “Top Gun: Maverick”, “Elvis”, “Everything Everywhere All at Once”, “The Fabelmans” dhe “The Banshees of Inisherin”, shkruan Abc.News.
Disa po parashikojnë gjithashtu se interpretimet e aktoreve si Cate Blanchett në “TÁR”, Michelle Yeoh në “Everything Everywhere All at Once” dhe Viola Davis në “The Woman King” mund të zënë vendin për aktoren më të mirë. /InLajmi/
