Ministri i Mbrojtjes këtë të premte vizitoi Komunën e Skenderajt, komunë kjo që është kapluar nga vërshimet, përcjell InLajmi.
Mehaj njoftoi se ekipet e FSK-së janë vënë në shërbim të plotë të qytetarëve të Skenderajt dhe janë në dispozicion me të gjtiha kapaciteteve.
Më tej ai deklaroi se në përballim të kësaj situate janë të gjithë së bashku.
Postimi i plotë i tij:
Sot së bashku me ministrin, Elbert Krasniqi vizituam komunën e Skenderajt, ku u pritëm nga kryetari, Fadil Nura dhe ekipa e tij.
Jemi vënë në shërbim të plotë të qytetarëve të Skenderajt me të gjitha kapacitetet tona që kemi në dispozicion. Ekipet tona gjenden në terren që nga dita e djeshme, dhe do të vazhdojnë edhe në ditët në vijim deri në kalimin e kësaj situate jo të lehtë.
Autoriteteve lokale jemi duke u ofruar mbështetje në zhbllokimin e rrugëve, vendosjen e urave, evakuimin e banorëve, mbështetje me ushqim dhe barëra.
Në terren takuam edhe vullnetarë që kanë ndihmuar banorët për tejkalim e situatës, siç janë vullnetarët nga Extreme off road Drenica.
Në përballimin e kësaj situate jemi të gjithë bashkë, dhe bashkë do t’ia dalim /InLajmi/
