Nënkryetarja e PDK-së Vlora Çitaku, ka takuar ambasadorin William Walker, përcjell InLajmi.
Çitaku vlerëson mbështetjen që i ka dhënë amasadori Walker gjatë karrierës së saj.
Ajo thotë se pas prindërve të saj, ambasadori Walker i ka besuar dhe i ka dhënë shumë përgjegjësi, në kohën kur ka qenë eprori i saj në vjeshtë të vitit 1998 në Misionin Verifikues të OSBE-së në Kosovë.
Tutje, Çitaku kujton se asokohe Walker e ka trajtuar me respekt dhe e ka mbrojtur e mbështetur shumë.
Postimi i plotë i saj:
Kënaqësi ta takoja sërish Ambasadorin Walker.
Ambasadori Walker është njeriu i parë, pas prindërve të mi, që më ka besuar dhe dhënë përgjegjësi. Ai ka qenë eprori im i parë në vjeshtë të vitit 1998 kur pata filluar punën me Misionin Verifikues të OSBE në Kosovë.
Edhe pse atëbotë shumë e re në moshë (as 18 vjeçe) Ambasadori gjithmonë më ka trajtuar me respekt. Më ka mbrojtur dhe më ka mbështetur. Më ka dhënë vetëbesim. /InLajmi/
