Ministri i Mbrojtjes, Armend Mehaj foli për vërshimet që e kanë mbuluar këtë të enjte territorin e Kosovës, përcjell InLajmi.
Ministri deklaroi se shkak i gjendjes së krijuar pjesëtaret e FSK-së janë në terren duke u ofruar gjithë ndihmën e nevojshme autoriteteve civile dhe qytetarëve.
Mehaj shtoi se situata është e menaxhueshme dhe uroi që të ketë sa më pak dëmë.
Postimi i plotë i tij:
Për shkak të gjendjes së krijuar si pasojë e vërshimeve pjesëtarët e Forcës së Sigurisë së Kosovës tashmë janë në terren duke u ofruar gjithë ndihmën e nevojshme autoriteteve civile dhe qytetarëve tanë në Skënderaj, Mitrovicë e Istog.
Jemi në komunikim dhe koordinim të vazhdueshëm me kryetarët e komunave në gatishmëri për tē vepruar në çdo kohë.
Situata është e menaxhueshme dhe urojmë që të ketë sa më pak dëme. /InLajmi/
