Kryetari i Komunës së Podujevës, Shpejtim Bulliqi ka dalë më njoftim për situatën në këtë komunë pas reshjeve të shiut, përcjell InLajmi.
Kryetari Bulliqaj tregoi se zonat më të prekura në këtë komunë janë Pakashticë, Kërpimeh, Letanc, Peran dhe Obrançë, po ashtu edhe disa rrugë janë përshkuar nga uji duke vështirësuar qarkullimin në komunikacion.
Sipas tij situata është e menaxhueshme por me tendencë të përkeqësimit për shkak të reshjeve të pandërprera të shiut
Postimi i plotë i tij:
Reshjet e dendura të shiut gjatë ditëve të fundit kanë bërë që disa zona në Komunën e Podujevës të përballen me vërshime. Si institucione lokale që nga mëngjesi jemi në teren duke intervenuar në zonat më të prekuara, ku momentalisht kemi 4 ekipe të të cilat janë duke intervenuar në këto zona.
Zonat më të prekuara janë; Pakashticë, Kërpimeh, Letanc, Peran dhe Obrançë, po ashtu edhe disa rrugë janë përshkuar nga uji duke vështirësuar qarkullimin në komunikacion. Situata është e menaxhueshme, por me tendencë të përkeqësimit për shkak të reshjeve të pandërprera të shiut.
Apeloj tek të gjithë qytetarët të bashkëpunojnë me ekipet emergjente institucionale, në mënyrë që përmes koordinimit të përbashkët të tejkalohet sa më shpejtë kjo situatë. /InLajmi/
