Deputeti i Partisë Demokratike të Kosovës, Bekim Haxhiu para deputetëve të Kuvendit të Kosovës ka prezantuar Projektligjin për tërheqjen e parave nga Trusti, raporton InLajmi.
“Sot prezantimin e kësaj nisme e bëj me autorizimin e grupit të qytetarëve, të cilët brenda 8 ditëve mblodhën 21.398 nënshkrime kopje të cilat janë këtu”, tha Haxhiu
Haxhiu në seancën e Kuvendit të Kosovës, pa hezitim iu ka kërkuar deputetëve të pozitës dhe poashtu atyre të opozitës të votojnë pro projektligjit për Trustin.
“Kjo kërkesë e tyre është në Kuvend është në dorën tuaj të dëshmoni që a jeni vërtet përfaqësues të qytetarëve dhe jo interesave politike. Ju sot para se ta ngritni dorën duhet të ktheheni prapa se pse qytetarët po kërkojnë që të tërheqin Trustin”, shtoi Haxhiu.
Sipas tij tërheqja e Trustit nuk ka “pikur nga qielli”, por është kërkesë nga qytetarët e Kosovës, ndër të tjera ai i është drejtuar të pranishmëve duke iu thënë përcaktohuni a i keni dëgjuar Kurtin e Kusari-Lilan.
“Unë kërkoj vonët e juaj në emër të qytetarëve. Me votën tuaj duhet të përcaktoheni se a keni me dëgjuar Mimozën apo Kurtin apo qytetarët”, ka përfunduar ai./InLajmi/
